لغيتي حصري لصفحة روايات رولا
— أنت دخلت المكان ده بسبب عيلتي وبوساطة بابا.. وكان المطلوب منك حاجة واحدة بس: تتمن على اللقمة وتشتغل بضمير.
أمن الشركة جه وأخده ومشيوه لحد برة المبنى.
خلال 4 أسابيع، وبمساعدة المحامين بتوعي اللي ورصوا كشوف الحسابات، والرسائل، وإثباتات الخيانة الزوجية، طارق رفع الراية البيضا ومببقاش قادر يحارب عشان يكمل الجوازة. الطلاق تم ورسمياً، وهو خبى كل حاجة عن عفاف ومقلش لها أي حاجة لأنه مكنش قادر يعترف لها إنه اتكرش من شغلانته وورط نفسه.
وبعد 3 أيام بس من ما مضينا الورق، جت المكالمة بتاعة المطار.
عفاف صرخت في التليفون وعملت هيستيريا لدرجة إن موظف المطار اضطر يطلب منها تبعد عن الشباك وتسيب الناس. صاحباتها سافروا وسابوها. والأمرّ بالنسبة لعفاف مكنش إنها خسرت سفرية أوروبا، لا.. الكارثة إن الستات اللي قعدت تتفشخر قدامهم 5 شهور فهموا وعرفوا إنها عمرها ما دفعت مليم وإن كل ده كان على قفايا.
طارق كلمني بعدها على طول والغل طالع من صوته:
— أمي متدمرة ومكسورة قدام صاحباتها.. إيه اللي كان هيضرّك لو سبتي لها السفرية تعدي؟!
— كان هيضر كرامتي.. وأنا دفعت من كرامتي كتير قوي وجاه الوقت اللي أستردها.
— احنا كنا عيلة يا فريدة!
— أنت اللي بعت مفهوم العيلة وقضيت عليه قبلي بكثير.
عملت له بلوك وحظر من كل حتة.
في نفس اليوم بعد الظهر، نزلت مشيت لوحدي في حديقة الأزهر. كنت محتاجة مكان مفيش حد فيه يعرفني ولا يقول لي يا بشمهندسة، ولا يا بنت الباشا، ولا يا المطلقة، ولا يا الكنة اللي مفيهاش خير. قعدت على دكة ولمحت قطة رفيعة استخبّت بين الشجر. وُطيت عشان أطبطب عليها بس مكنش معايا أي أكل.
— الأستاذ ده مبيحبش غير التونة!
جيه صوت من ورايا، كان شاب شايل شنطة ظهر حط علبة تونة صغيرة للقطة. كان اسمه كريم، مهندس معماري وشغال في مكتب قريب من المنطقة. مأسألنيش عن اسم عيلتي ولا الشركة ولا بشتغل إيه.. هو بس بص في عينيا المورمة من العياط وقال:
— باين كده إن كان عندك يوم ثقيل قوي؟
— أنا اتطلقت من 3 أيام.
استنيت منه النظرة المعتادة بتاعة الشفقة أو الإحراج، بس هو ابتسم بهدوء وقال:
— يبقى يمكن المفروض مأقولش “أنا آسف”.. يمكن الصح إني أقولك “حمد الله على سلامتك وخروجك بأقل الخسائر”.
