شيماء 2

بابا خد ماما واتفضل وانتي يا حماتي اتفضلي بقي خدي سميه معاكي وروحوا يالا كله يروح بيته.. الكل انسحب وفضل محمود وسيد وسميحه وشوق سيد: قولتي ايه انتي بقي؟؟ لما دي ماتبقاش بنت محمود تبقي مين؟ شوق معرفتش ترد ولازقه في الحيط سيد: وانت اتصدمت بعد ما اتجوزت؟ طيب مطلقتهاش ليه؟ ما قولتليش ليه؟ مقـ,ـتلتهاش ليه؟ محمود: ايه يا عمي اللي بتقولوا ده؟ هيا غلطت وايوه غلطه كبيره بس مش معني كده اني اقـ,ـتلها او ارميها لا يا عمي تفكيرك غلط

سيد: غلط؟؟؟ انت كنت عارف بده قبل ما تتجوزها؟؟ محمود ساكت ومش عارف يرد سيد: رد عليا محمود: ايوه كنت عارف واتجوزتها علشان احميها سيد: تحمي مين؟؟ دي؟؟ انت اتجننت؟؟ سيد كان هيتجنن وراح ناحيه شوق ووقف قصادها شوق: بابا انا اسفه سامحني سيد فضل واقف شويه ومره واحده نزل يضـ,ـرب فيها بالاقلام يضـ,ـرب ويضـ,ـرب ويضـ,ـرب محمود اتدخل وحاول يدافع عنها بس سيد بيزقه بعيد ويرجع يضـ,ـرب فيها تاني محمود اخيرا قدر يشد سيد قبل ما يمـ,ـوت شوق في ايده وماسكه جامد وسميحه شدت بنتها ووقفتها

وسمر اختها الصغيره بتراقب من بعيد دموعها نازله وساكته سيد: سلمتي نفسك لواحد ضحك عليكي بكلمتين ولا بمزاجك؟؟ ردي؟ محمود: خلاص بقي يا عمي؟ هو ضحك عليها وانتهي الموضوع وخلاص وربنا سترها ومحدش عرف بحاجه سيد: يا سلام؟؟ كده الموضوع خلص؟؟ حصل خير؟؟ انت سترت عليها وخلاص؟؟؟ انت مجنون….. والبنت اللي خلفتها دي؟ مصيرها ايه؟؟ انت تتحملها ليه؟ ذنبك ايه تتجوز واحده زي دي؟؟؟ انا لازم اقتـ,ـلها واغسل عـ,ـاري شد نفسه من محمود وراح ناحيه شوق ومسكها من رقبتها بيخنقها وكلهم بيحاولوا يشدوه بس ايده ماسكه جامد في رقبتها

لحد ما محمود شده اخيرا محمود: اهدي يا عمي مش كده سيد: يا اقـ,ـتلها يا تطلع بره بيتي وبره حياتنا كلها محمود: حاضر هاخدها واروح سيد: لا بره حياتنا كلها انت ترمي عليها يمين الطلاق دلوقتي… اللي زيها دي ما تتحطش في بيت ابدا… لا انتي بنتي ولا اعرفك …انا متبري منك ليوم الدين قلبي غضبان عليكي ليوم الدين اطلعي بره سميحه: والنبي يا سيد اهدي سيد: عليا الطلاق بالتلاته لو جبتي سيرتها لتتشردي ببناتك بره يا تتطلع بره البيت يا تطلعي انتي وبناتك معاها اختاري؟؟

محمود: خلاص يا عمي سيد: الحلفان عليك انت كمان… الليله تطلقها ما تدخلش بيتك محمود: ياعمي استهدي كده احنا بالليل هتروح فين؟ سيد: عليا الطلاق ما تبات في بيتك انت كمان هتكسـ,ـر كلامي يبقي خد معاك مرات عمك وباقي بناتها يالا اطلعي بره شوق: يا بابا ارجوك سيد: اخرسي اوعي تنطقي الكلمه دي تاني… انتي مش بنتي… بنتي ما تعملش كده ابدا…، اياك اشوف وشك في البيت ده تاني… بره بيتي محمود اخد شوق ومشي ومش عارف يعمل ايه؟