شيماء 2
شوق: حازم بيحبني علي صرخ فيها محمود: اخرسي ما تكمليش… يعني في الزمن ده ومع النت والتليفزيون والافلام وبرضه تيجي بنت متخلفه واحد يقولها كلمتين حلوين تقوم مسلماله كل حاجه… يعني انا قلت اكيد البنات المتخلفه دي انقرضت من التوعيه لكن اتفاجئ ان بنت عمي تربعت علي عرشهم… يعني شاب مستهتر حصلتله حـ,ـادثه عمال يندب حظه وكل يوم امه تجيبله واحده جديده يقولك بحبك تصدقيه ده ايه كميه التخلف دي؟؟؟ للدرجه دي لغيتي عقلك؟؟؟ اهو رماكي رميه الكلاب وسابك وسافر يعني حتي مش هتعرفي توصليلو. هتعملي ايه بقي سيادتك؟؟؟ خدتي ايه من حبه؟؟؟
شوق بتعيط: انا حاسه ان في حاجه غلط حازم مش كده… حازم بيحبني يا محمود محمود هيتجنن من بنت عمه وعايز يضـ,ـربها محمود: طيب بيحبك مصدقك… هو فين؟ سافر ليه؟؟ ليه ما قالكيش قبل ما يسافر؟؟؟ انتي اقل من انه يهتم انه يعرفك انه مسافر؟؟؟ انتي مجرد خدامه عنده بتريحه باي طريقه ان كانت… انتي بقي متخلفه وسلمتيله نفسك فدي مشكلتك انتي مش مشكلته هو.. انتي غبيه فده مش ذنبه….
وبعدين ده مشلول يعني حتي لو حبيتي ترفعي عليه قضيه انه اغت** او غرر بيكي نظره واحده ليه وهتتحبسي انتي… هيقولولك ده مشلول يعني انتي اللي روحتيله برجلك ومحدش ضغط عليكي… انتي بكل الاحوال والطرق متخلفه شوق رافضه تسمعه وبتهز دماغها شوق: حازم بيحبني محمود: فوقي واعرفي حاجه مهمه مفيش راجل بيحب واحده يعمل فيها كده….. اللي بيحب بجد ما بيمسكش حتي ايد حبيبته وبيحميها من نفسه قبل اي حد تاني… عمر ما كان الحب كده ابدا….
الحب يعني خوف علي حبيبتك… بتحبها هتروح بيتها وتدق بابها غير كده مش حب…. معادله بسيطه قوي بتحبها تروح بيتها ما بتحبهاش اتسلي واتمتع هيا بسيطه قوي بس نعمل ايه بقي للبنات المتخلفه امثالك… اول ما الشاب يقولها كلمتين حلوين تقول اه بيحبني وتسلمله كل حاجه… هاين عليا اقوم افضل اضـ,ـرب فيكي لحد ما اقـ,ـتلك لان هو مش غلطان…. هو مش غلطان شوق: خلاص انا هسيبلكم الدنيا واطفش محمود: وابوكي؟؟ وامك؟؟ واخواتك؟؟؟ وسمعه بيتكم؟؟؟ والعيله؟؟؟ طبعا الحاجات دي اخر اهتماماتك صح؟
شوق: طيب اعمل ايه انت قولي؟؟ محمود: ما حكيتيليش ليه عنه من الاول واخدتي رايي فيه ليه؟ جايه دلوقتي تقوليلي اعمل ايه؟ ما اعرفش انا تعملي ايه؟ ما اعرفش… شوق: بابا لو عرف…. محمود: دلوقتي خايفه من ابوكي؟؟ انتي لو ابوكي عرف هتاكدي نظريته عن البنات انهم فعلا بيجيبوا العار وبس… بس هو كمان غلطان… هو حرمكم من الحب والحنان يمكن لو كان شبعكم من حبه وحنانه مكنتوش تضعفوا قدام كلمه حلوه من اي راجل
