شيماء 2
امها: انا اللي احمد ربنا سميه: ماما اهدي لو سمحتي امها: اهدي ليه؟ بكره عيالك دول يكبروا ومحتاجين لكل قرش ابوهم بيقبضوا لكن تيجي الهانم تشاركك فيه سيد: تصدقي الواحد كان غلطان انه وافق انه يتجوز طالما انتو قلايل الاصل كده سميحه:اهدي يا سيد سيد: لا مش ههدي وانت يا احمد ما تشوفلك حل ولا عاجبك كلام حماه ابنك احمد: لا مش عاجبني يا ام سميه انتي وافقتي تجوزي بنتك لواحد متجوز وعنده بنت ودلوقتي جايه تنكري حقوقها لا دي مش اصول
ام سميه: لا اصول ونص وكفايه بقي انه مخليها في بيته وبيربي بنت مش بنته وستر عرضها وحماكم من الفضيحه لكن تيجوا علي بنتي فلأ والف لأ ده مش هسمح بيه ابدا الكل سكت تماما ومحدش مستوعب هيا قالت ايه؟ شوق بتبص لابوها والكل بيبص لبعض ومحدش عارف ايه اللي هيحصل في الدقايق الجايه دي سيد: بنت مش بنته؟؟ وستر عرضها؟؟ انتي اتجننتي يا وليه انتي ولا ايه؟ قسما بالله انا اقـ,ـتلك مكانك هنا؟ محمود: عمي اهدي وانتي يا حماتي اسكتي بقي واتفضلي دلوقتي
سميه: ماما كفايه بقي اسكتي سيد: لا تسكت ليه؟ هيا ترمي بنات الناس بالباطل وبس.. قسما بالله لولا انك ست كبيره لكنت ربيتك من الاول وجديد ام سميه: لما تربي بنتك الاول ابقي تعال ربيني سيد رايح ناحيه الست وهيمد ايده عليها سيد: اخرسي يا وليه محمود وقف في وش عمه ومسك ايده والكل هيمسك في خناق بعض سيد: بت يا شوق ردي علي الوليه دي واخرسيها ردي قوليلها انك اشرف من الشرف وان دي بنت محمود
شوق بصت للارض وعيطت وسكتت سيد: انتي يا بت ردي ام سميه: ترد تقول ايه؟ ماهو الجواب بيبان من عنوانه امال انا ليه وافقت ان بنتي تتجوزه… لانه وعدني اني بنتي بس اللي ليها حقوق عليه وان شوق اخته وبس وانه جوازهم كان علشان يسترها ويحميها من الفضيحه لكن دلوقتي بقي خلاص كده كفايه الناس وعرفوا انهم متجوزين وان دي بنته واهو كتبها باسمه يبقي خلاص بقي يطلقوا وكده هو عداه العيب وعمل باصله للاخر مع بنت عمه ويشوف بقي عياله وبيته ومراته
سيد: انتي كدابه.. محمود رد علي حماتك محمود سكت وبص للارض شوق: لا يا بابا مش كدابه كل كلمه نطقتها صح سيد :….. الحلقه (٨) ام سميه قالت الحقيقه قدام الكل وسيد رافض يصدقها نهائي شوق: لا يا بابا مش كدابه كل كلمه نطقتها صح سيد وقف شويه مش مستوعب بنته قالت ايه؟ سيد: نعم قولتي ايه حضرتك؟؟ ايه اللي صح؟ لما دي مش بنت محمود امال بنت مين؟ هنا محمود اتدخل محمود: يا جماعه معلش كل واحد يروح بيته يالا
