اوهمته الجزء الاخير

خرجت رندا ، وجمعت بعض اشيائها المهمه ورحلت ولاول مره تخرج مكسوره مهزومه
جاء عمر اليه ،بعد ان رئي رندا خارجه امامه تبكي
عمر بقلق : في ايه ياكريم
جلس علي كرسي مكتبه وبدء يرجع رأسه للخلف ويغمض عينيه بألم : هحيكلك علي كل حاجه بس الاقي فرح الاول ،ساعدني ياعمر اننا نلاقيها في اسرع وقت
عمربحنان : ان شاء الله هنلاقيها ياكريم
………………………………………….. ……………
كانت تجلس تنتظر متابعتها عند الطبيبه، جلست بجانبهاا فتاه يبدوا انها في اواخر شهورها
الفتاه بتعب : انتي في الشهر الكام
فرح وتضع يدها علي بطنها الصغيره : في الخامس
الفتاه: ربنا يكملك علي خير
فرح : يارب انا وانتي ، بدأت الممرضه تنادي علي اسم فرح استأذنت منها وذهبت
في تلك الاثناء جاء زوج تلك الفتاه ، وكان
احمد بحب:خلصتي ياحببتي
زوجته : اه ياحبيبي ، بس قولت استريح شويه عشان حاسيت بشويه تعب بعد ماخرجت من عند الدكتوره
احمد بحنان وهو يقبل يدها : هانت ياحببتي مش فاضل لغير شهر ، وتشرف بنتوتنا الجميله فرح
ابتسمت له وقالت بحب : تصدق نفسي اشوف فرح ديه واتعرف عليها ، عشان اعرف مين الي جوزي حبيبي ديما بيحكيلي عنها وعن اخلاقها
احمد ويمسك يدها بحنان : طيب يلا بينا عشان نروح زمان ماما قلقانه وعايزه تطمن عليكي
امسكت يد زوجهاا وتشبثت به ، وعندما اداروا وجههم ناحيه الباب لمغادره العياده
فرح بأبتسامه وهي تتذكره : احمد ، ياا قد ايه الدنيا صغيره ، يعني ديه زوجتك الي كنت بتكلم معاهاا ، ظلت تنظر عليهم بحب
وقالت بتمني وهي تتذكر حياتهاا السابقه مع زوجها وحبيبها : ربنا يسعدكم ديما ويديم عليكم الحب
………………………………………….. ……………….
انا مش مصدقه نفسي ، حمدلله علي السلامه ياحبيبي ، وظلت تبكي وهو بين احضانها
ادهم بحب : خلاص بقي ياهدهود بطلي عياط ، انا جيتلك اه ياستي ولا ارجع تاني
هدي : لاء خلاص ياحبيبي مش هعيط ، المهم ما تبعدش عني
علي بحب واشتياق : وحشتني اووي يابني ، ولا اقولك يادكتور ادهم
ادهم بحب وهو يقبل يد والده : وحشتني اوووي يادكتور علي
كانت واقفه تنظر اليهم بفرحه لفرحتهم ، فهاهو ابنهم الغالي قد عاد اليهم كانت سعيده لحالهم ، قررت الذهاب لأعلي لكي تتركهم ولكن
ادهم : انتي فرح صح، ازيك
فرح بخجل : حمدلله علي سلامتك يا دكتور ادهم
ادهم وقد احس بخجلها : الله يسلمك ، بس دكتور ايه ، انا ادهم بس يابنتي
فرح وقد احست بأنه شخص لطيف، أبتسمت له وصمتت
علي وهدي :فرح بقي يا ادهم كانت مليه علينا البيت في غيابك، وان شاء الله هتفضل ملياه علينا هي والبيبي الصغير ونبقي نناه وجده
ادهم بدعابه : ونسيتوني انا شكلكم ولا ايه
فرح : ربنا يخليكم ليهم
ادهم : ربنا يخلينا ليهم احنا الاتنين ، ثم قال بدعابه يعني انتوا بقيوا جدو وتيته وانا ايه مش هبقي خالو
هدي : عقبال ما نشوف عيالك انت كمان ياحبيبي ونفرح بيك
ادهم بدعابه وهو ينظر لفرح : الحق انا اطلع اوضتي ، لتقولي اختارنالك عروسه
هدي : شوف الواد ماشي اهرب اهرب ، ثم تنهدت بفرحه وهي تنظر لزوجها الذي يضحك علي دعابة ابنه الحمدلله انه رجع لينا بالسلامه
………………………………………….. …………….
في ايه يارندا ، مالك بتقولي ايه طردك طب ليه اه انا عرفت انه عرف الحقيقه وكنت فاكراه عرف منك ،وقبل ان تكمل كلامها وجدته يقف خلفهاا وينظر لهاا .. سقط الهاتف من يديها
ووقفت صامته تنظر اليه بخجل لا تعرف كيف ستبرر ما فعلته
ماجده بارتباك : انا .. اصل
كريم بهدوء :متخافيش ياخالتو ، انا استاهل كل الي حصلي ، عشان للحظه صدقت لعبتكم واتخليت عن مراتي ..
ثم نظرها عليها نظره طويله، ورحل
الحلقه الثامنه عشر