يوم فرحي حصري لصفحة روايات رولا

​في اليوم الثالث بطل يمثل الهدوء:
​”بلاش تعملي تصرف يضر العيلتين والبزنس!”
​بعت كل حاجة للأستاذ طارق واتعاقدنا مع مكتب مراجعة ومحاسبة مستقل تماماً.
​مكنتش عاوزة أقع في نفس الغلطة اللي وقع فيها كريم: إني أخلط بين المشاعر والبزنس لما الموضوع يجي على هويا.
​الخيانة حاجة..
​والفواتير والتحويلات والتزوير حاجة ثانية خالص.
​الفايل الأولاني كان فيه الـ 780 ألف جنيه اللي طلعوا من شركة المقاولات لشركة الدعاية بتاعت الجاليري.
​الفايل الثاني كان فيه الفواتير المتضخمة اللي اتكشفت بعد ما دخلت شركته.
​الفايل الثالث كان فيه تنازل الـ 20% بتوع “أبراج التجمع” اللي هو مضاهملي بنفسه ومكتب التمويل ميعرفش عنه حاجة.
​والفايل الرابع كان الإيميل اللي بيشرح فيه إزاي كان ناوي يضحك عليا وياخد الأسهم تاني بعد ما ياخد التمويل.
​كان فاضل بس أعرف مين اللي بعتلي صورة المطار يوم الفرح.
​الأستاذ طارق جاب القرار.
​عم جابر، اللي كان شغال سواق عند عيلة كريم بقاله 6 سنين.. واستقال بعد فرحنا بـ أسبوع.
​وافق يقابلني في وجود المحامي بتاعه.
​— أنا اللي كنت سايق بالإستاذ كريم اليوم ده يا هانم.
​— وأنت اللي بعت الصورة؟
​— أيوه.
​— ليه؟
​وّطى رأسه وقال:
​— لأن لما سمعتهم بعد كده بيقولوا إن الأستاذة ريناد جت فجأة وإنه راح يلحقها في ظروف طارئة، عرفت إن الكلام ده كذب.. الأستاذ كريم كان مرتب كل حاجة.
​طلع موبايله القديم.
​— الأستاذ طلب مني قبل الفرح بيومين أجهز العربية عشان نروح نجيبها من المطار.
​وراني الرسالة:
​”الأربعاء، الساعة 12:40. مطار القاهرة صالة 2. محدش يعرف بالموضوع ده خالص.”
​وراني رسالة ثانية صباح يوم الفرح:
​”لو فريدة سألت، قولها إنه رايح يبص على شغلة طارئة في الموقع.”
​— يعني هو كان ناوي يشوفها أصلًا!
​— بعد الفرح يا هانم — عم جابر وضحلي — بس هي اللي كلمته الصبح وقالتله لو ما جتش خدتني دلوقتي حالاً هحجز وأرجع دبي فوراً.
​وبكده كل الشكوك اتفسرت.
​ريناد مظهرتش فجأة يوم الفرح.. ريناد كانت موجودة في حياتنا بقالها شهور.
​السفريات، والعشوات، والمصاريف اللي كان بيسميها “مصاريف دعاية وشغل”، كلها كانت معيدة مع أوقات سفرياتها ومشتريات الجاليري بتاعها.
​بابا راجع معايا الفايلات دي كلها.
​— فريدة، لو حطينا الورق ده قدام المستثمرين والصندوق، مش هيكون فيه رجعة.
​— أنا مش رايحة أحكيلهم قصة خيانة يا بابا.
​— أومال هتقدمي إيه؟
​— هقدم اللي بيأثر على الشغل والفلوس بس.
​بابا قفل الفايل وقال:
​— تمام، امشي بالقانون والاصول.