شم النسيم حصري لصفحة روايات رولا
التحاليل أثبتت بعد كده إن الشاي كان فيه مادة مهدئة شديدة ومحرمة ومحدش كتبهالها في أي روشتة. كريم اتقبض عليه في نفس اليوم بتهم الانقضاض، والاحتجاز القسري بدون وجه حق. والأوراق المكتشفة وتزوير التأمين فتحت أبواب جهنم وتحقيقات موسعة. وسوسن هي كمان لبست تهم تحويلات مالية مشبوهة، وتزوير أوراق رسمية، وتخدير شخص بدون علمه.
على مدار الكام شهر اللي بعدهم، قدرنا نرجع معظم مبلغ الورث اللي اختفى عن طريق التحفظ على الحسابات وتجميدها. وثيقة التأمين أتلغت بالكامل. محامي الدفاع حاول يشكك في التسجيلات، بس كشوفات الحسابات البنكية، والتوقيع المزور، والتقارير الطبية وتحاليل السموم كانت أدلة قاطعة صعب يهربوا منها. مريم رفعت ق\ضية خلع وطلبت الطلاق فوراً.
نقلت حاجتها وجات عاشت معايا في البيتي عشان تبدأ تبني حياتها من جديد. في ليلة من الليالي، لقيتها قاعدة على أرضية أوضة الضيوف جنب كرتونتين لسه مقفولين.
قالتلي: “أنا آسفة يا بابا..”
سألتها: “على إيه يا بنتي؟”
“إني اختفيت.. وإني خليتك تفكر إني مكنتش عايزاك جنب ولا ببعدك عني.”
قعدت جنبها على الأرض وقلتلها: “أنتِ كلمتيني أول ما احتجتيني بجد.. وده كل اللي يهمني.”
عيطت ساعتها، بس المرة دي مكنش عياط خوف.. ده كان عياط راحة.
في عيد القيامة اللي بعده، السفرة مكنش قاعد عليها غير أربعة بس: مريم، وأنتيمتها، وأخويا، وأنا. مفيش ابتسامات مزيفة، ومفيش أبواب مقفولة بالمفتاح.
قبل الأكل، مريم بصتلي وقالت: “العيد اللي فات، كنت فاكرة إن المكالمة دي هي آخر حاجة هقولهالك في حياتي.”
مديت إيدي على السفرة ومسكت إيدها جامد: “بس طلعت مش الأخيرة.”
ابتسمت من قلبها..
ولأول مرة من سنة كاملة، لما بنتي قالتلي إنها حاسة إنها في بيتها بجد، كنت عارف ومطمئن إن مفيش مخلوق على وجه الأرض يقدر يخليها تمشي منه تاني.
