عنوانك حصري لصفحة روايات رولا
”احنا مش بتوع كلام وشوشرة يا ليلى، احنا بتوع ورق ومستندات.”
سلمته كل حاجة: كشوفات الحساب، تحويلات أسط الشقة، ومسجات طارق. وهو على طول طلب إجراءات قانونية وعمل تمكين عشان طارق ما يقدرش يعتب الشقة لحد ما المحكمة تفصل بيننا.
بس طارق ما سكتش. جالي لحد الشغل في التجمع، ووقف في الريسبشن قدام الموظفين يزعق ويقول إني ست غيرانة ومجنونة وببعت ناس تهدد الست اللي جابتله ابنه.
”اسألوها بعتت مين يهدد نورهان في المستشفى!”
طلعت موبايلي وصورته فيديو من الدور الثاني لحد ما أمن الشركة جه وطلعه برة مطرود.
في نفس اليوم بالليل، فتحت ألكيشن البنك وحسيت بركبي بتخبط في بعضها. الـ 96 ألف جنيه اللي كانوا فاضلين في حسابنا المشترك اختفوا. طارق حولهم لحسابه الشخصي.
كتبتله رسالة واحدة: “سحبت الفلوس ليه؟”
رد عليا: “أنا بأمّن فلوس ابني، وإنتي أثبتي إنسك قادرة تعملي أي حاجة.”
المحامي قاللي ما أردش عليه خالص، واحتفظ بالرسالة دي كدليل. وقتها فهمت إن طارق مش بيتصرف بعصبية وخلاص، ده بيبني رواية عشان يطلعني أنا المعتدية وهو الأب المظلوم اللي بيحمي عيلته الجديدة.
بعد يومين جالي استدعاء من النيابة. نورهان عملت فيا بلاغ. ادّعت إني أجّرت بلطجي يروح يهددها في المستشفى.
في الوقت ده، الرقم الغريب كلمني تاني. طلع واحد اسمه حسام.
”أنا روحت المستشفى من دماغي يا مدام ليلى،” – قالها في التليفون – “نورهان كانت واخدة مني فلوس وكان عندي شك كبير إن الولد ده ابني أنا. أنا عمري ما شوفتك ولا اشتغلت عندك.”
“طب روح قول الكلام ده في النيابة.”
“أنا عملت الأحسن من كده.. رفعت دعوى إنكار ونسب وطالبت بتحليل DNA.”
الأستاذ مدحت طلب مني أقطع أي كلام معاه وأسيب القانون ياخد مجراه.
في الوقت ده، ثريا عملت الحركة الأوسخ. راحت على مطعم الأكل البيتي بتاع أهلي في السيدة زينب. أهلي شغالين فيه بقالهم عشرين سنة. دخلت تزعق قدام الزباين وتقول إني خطافة رجالة ومفترية، ورمت طواجن الأكل وكسرت الأطباق والرخام. كان فيه أكتر من 12 زبون قاعدين بياكلوا. والتصوير كله اتسجل بكاميرات المطبخ والصالة.
لما روحت هناك، لقيت أمي بتلم الإزاز المكسور وإيديها بتترعش ومجروحة، وأبويا بيلم الأكل من الأرض وعينه في الأرض من كسرة النفس.
